LIRIK LAGU GAYO AMA

AMA

Ama…denem di aku
Wan beneng senye si gelep ni aku mukale
Terbayang masamu muger uten
Ken perempOsen
Ketier ken penayah mOrep ni kami
Anak-anakmu

Tetape kale nge musebu rOm denem
RengkelOng besilO ama nge mulo
Munarengen kami

Ari wan rantO terbayang kukenang
Waktu oya aku kucak sedang-sedang
Semangat mOrepmu si murara ilang
Ku inget ama munaran jelbang
Nemeng parang ralan serapah temerbang

Ilalui ko tamas murui genereng ni karang
Mulipe wae beratu terjal si mulOmOt ijO ilang
Gere kuderi…waktu oya…
Ken sa…ken sa…amangku bejuang

AMA

Ama…OntOng rugi ni naseb gere kuperahi
Yatem diri gere penah ku beli
TOtOp ko matamu kiser ko salakmu
Beden tulen kereng mu mu rebah layu

Iwan ules ruje pOteh tOnen ko dirimu
Semiang ni jema ken semiangku
Ijulen jema berereng naru

Bumi muluang ken umahmu
Tanoh bulet ken bantalmu
Kubetehi ama…
Kupen amangku…gere ne ara…

Nge ku tete angan kasad nama
Ku kemOlen lagu kenak ni jema
Lape natengku gere terpuesen
Sebuke ni kekire kusa kusederen

Gere sempat muah ni senuen
Ama nge mulo munemah jelen