LIRIK LAGU GAYO RETAK - ABADI AYUS

RETAK

Ke retak-retak ni tanoh
Nguk ilen i sebu i
Tapi retak nate ni
Kumai ku singkih kuen

Ke turuh turuh ni supu
Nguk ilen i sisipi
Tapi rusak nate ni
Sana de kase uwak ke

Ke munurut kalam janyi
Gere ne kite musirang
Sebeb regang ni tali
Ike di berkelas benang

Wo jamur si ku rongka
Gere asal ilen munge
Urum gere kusangka
Iyop ni kuyu ni gegebe

Ku kemang payung
Arap ni ate kin ampes ni uren
Erep bese ku jege
Nge emeh remo basah we beden

Ho.. Uwes-uwes uwes ni atengku
Uwes-uwes timul ni sebuku
Uwes-uwes uwes ni atengku
Uwes-uwes ari perbueten mu

Gelah kite pempangi
Janyi si beregang
Gelah kite apus ni
Ikot ni janyi si nge mu bentang

Gere mugune ku tiak lelayang
Sebeb kuyu pe daboh rede
Gere mugune ningko pesapeh
Ate si putih nge musingkih
Ari perbueten mu si muleleh
Caci hine ku atas diringku

Si nge ku tason
Ku kemasen i wan ni atengku
Depet si ku tehen
Olok di simen tingkah laku mu

Ho.. Uwes-uwes uwes ni atengku
Uwes-uwes timul ni sebuku
Uwes-uwes uwes ni atengku
Uwes-uwes ari perbueten mu